Košarka

Golden State poveo protiv Portlanda u finalu Zapadne konferencije

Off 13
Foto: AFP

Košarkaši Golden Stejta poveli su sa 1:0 protiv Portlanda u finalu plej-ofa Zapadne konferencije u NBA ligi, nakon što su noćas pobijedili sa 116:94.

Dvostruke uzastopne šampione predvodio je Stefen Kari sa 36 poena, sedam asistencija i šest skokova. On je postigao devet “trojki” iz 15 pokušaja.

“Znam za šta sam sposoban na parketu. Situacija je zahtijevala da budem malo agresivniji i nadam se da će se tako nastaviti. Lijepo je vidjeti da lopte ulaze u koš. Nisam dobro šutirao u četiri i po utakmice u prošloj seriji, ali sada sam dobro počeo i želim tako da nastavim”, rekao je Kari.

Klej Tompson je upisao 26 poena, a Drejmond Grin 12 poena, 10 skokova, pet asistencija, tri blokade i dvije ukradene lopte za Voriorse. U ekipi nije bilo Kevina Durenta, koji ima problema sa povredom lista.

U ekipi Portlanda najefikasniji je bio Demjan Lilard sa 19 poena i šest asistencija. Po 17 poena postigli su Moris Harkls, Si Džej Mekalum i Rodni Hud, dok je Enes Kanter dodao 10 poena i 16 skokova.

Druga utakmica na programu je u četvrtak uveče.

Related Posts